ایک نیوز:پاکستان سٹاک مارکیٹ میں آج کاروبار کے آغاز پر مندی دیکھنے میں آئی ہے، کا ر و با ری ہفتے کے دوسرے روز سٹاک ایکسچینج میں کاروبار کا آغاز منفی زون میں ہوا۔

مارکیٹ میں 562پوائنٹس کی کمی کے ساتھ انڈیکس ایک لاکھ 15 ہزار 877 پوائنٹس کی کم ترین سطح پر پہنچ گیا۔

بعد ازاں ٹریڈنگ کے دوران پاکستان سٹاک مارکیٹ میں اچانک اضافہ دیکھنے میں آیا، 400 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 16 ہزار 904 پوائنٹس کی حد کو چھو گیا۔

خیال رہے کہ گزشتہ کاروباری دن کے اختتام پر پاکستان سٹاک ایکسچینج میں ہنڈرڈ انڈیکس 2002 پوائنٹس کی کمی ہوئی تھی جس کے بعد مارکیٹ ایک لاکھ 16 ہزار 439 پوائنٹس کی سطح پر بند ہوئی تھی۔